Заменик-претседателот на рускиот Совет за безбедност Медведев истакна дека средбата потврди дека преговори без предуслови се остварливи
Заменик-претседателот на рускиот Совет за безбедност и поранешен претседател на Русија, Дмитриј Медведев, утринава на својот канал на Телеграм ја објави првата реакција по средбата меѓу Владимир Путин и Доналд Трамп во Алјаска. Според Медведев, средбата се одржала мирно и без закани или ултиматуми. Како и дека е обновен „целосниот механизам за состаноци меѓу Русија и САД на највисоко ниво“. Тоа ја потврдува можноста за преговори без предуслови.
Медведев нагласува дека рускиот претседател лично и детално му ги презентирал на својот американски колега условите на Русија за прекин на војната во Украина. По речиси тричасовен разговор, Трамп се согласил засега да не го зголемува притисокот врз Русија. Според Медведев, е важен сигнал дека преговорите се остварливи.
„Средбата покажува дека преговори без предуслови се можно решение, дури и паралелно со продолжувањето на она што Москва го нарекува „специјална воена операција““, напиша Медведев.
Тој посочува дека клучно е двете страни директно да ја префрлат одговорноста за идниот исход. Од преговорите за прекин на непријателствата врз Киев и Европа, нагласувајќи дека преговори без предуслови остануваат единствена патека за мир.