-Сега и тие може да развијат потешка форма, па и кобни последици, вели во изјава за „Фокус“ доктор Злате Мехмедовиќ од Здравствен дом-Скопје.

-Можеби онлајн наставата е стресна, но досега требаше да се изнајде решение бидејќи веќе две години живееме со вирусот. Тоа што ги путивме учениците со физичко присуство дозволивме вирусот да мутира и да создава посериозни форми кои го напаѓаат имунитетот, дополнува тој.

Според него дали ќе имаме четврт продолжен или пак петти нов бран многу зависи од процесот на вакцинација.

-Кај нас тој процент е 37 отсто, а колективен имунитет се постигнува со примена вакцина кај сите возрасти, а не поделби кај полнолетно или пак население над 60 години, бидејќи на овој начин му дозволуваме на вирусот да се шири и повеќе да мутира, појаснува тој.

Според Мехмедовиќ со новиот бран се очекува бројката двојно или тројно да се зголеми, а со тоа и хоспитализациите и генерално од досегашната пракса дури тогаш да им текне на властите да воведат повеќе рестриктивни мерки, кога болниците ќе бидат преполни, а ние веќе и немаме доволни медицински капацитети .