Менсур Пајазити, обвинет за смртно прегазување на 22-годишната Теодора Ристовска на пешачки во Тетово, не се појави на првото рочиште од повтореното судење.
По негово барање и прифатено од Врховниот суд, тој не присуствуваше на судската расправа, бидејќи бил хоспитализиран. Судот доби медицински извештај од неговата сопруга. Пајазити бил задржан како пациент на интерно одделение во Клиничка болница.
Семејството на Теодора, кое присуствуваше на рочиштето, изрази својата болка поради продолжувањето на судскиот процес. Сестрата на Теодора, Ева Ристовска, низ солзи нагласи дека семејството ја преживува истата агонија повеќе од две и пол години. Таа бараше правдата да се спроведе, и да се стави крај на процесот кој само продолжува да ја боли семејството.
„Не ми е јасно, уште колку солзи треба да пролееме?“ – изјави Ева Ристовска, истакнувајќи дека Теодора беше студентка, полна со живот и со голема душа, а сега семејството продолжува да ги преживува истите болки.
Судијата Елведин Ферати потврди дека судењето ќе продолжи на 27 март. Семејството на Теодора не е задоволно со продолженото одолговлекување на процесот и бара максимална казна за Пајазити. На Пајазити првично му беше изречена казна од 3 години и 6 месеци затвор, но по жалбата и барањето за условна казна, Апелациониот суд ја намали казната на две години, што се оспорува од обвинителството и семејството на жртвата.
Пајазити, кој на 15 август 2022 година ја прегази Теодора на пешачки премин во Тетово, предизвика нејзина смрт три дена подоцна на Клиника во Скопје. Семейството на Теодора продолжува да се бори за правда и конечна пресуда.
Извор: Канал 5