Со голот на Мартин Одегард во 72. минута од дуелот, екипата на Арсенал на домашен терен успеа да го совлада составот на Хал со минимален резултат од 1:0. Домашниот тим доминираше на теренот во текот на целиот натпревар и создаде голем број поволни прилики, но успеа да реализира само една шанса преку норвешкиот интернационалец.
На останатите натпревари од колото, екипите на Фулам и Њукасл ги поделија бодовите играјќи нерешено 1:1. Фудбалерот на Њукасл, Ден Брн, постигна погодок за гостите уште во првото полувреме, но истиот беше поништен по реакција и прегледување на снимката од страна на ВАР технологијата.
Сепак, гостинскиот состав успеа прв да дојде до предност благодарение на погодокот што го постигна Џејкоб Марфи во 80. минута. Радоста на гостите траеше кратко, бидејќи по само три минути игра Родриго Муниз реализираше за тимот на Фулам и ги постави конечните 1:1.
Арсенал по овој триумф останува суверен лидер на табелата во Премиер-лигата, освојувајќи вкупно 27 бодови по одиграни десет натпреварувачки кола.