Владата вложува речиси 680 милиони денари во научно-истражувачка дејност

Премиерот Христијан Мицкоски денеска објави дека буџетот за наука и научна дејност е речиси двојно зголемен во 2025 година. Сумата достигнува приближно 680 милиони денари. Тој ова го соопшти одговарајќи на новинарско прашање, притоа потврдувајќи дека Министерството за образование и наука има објавено два актуелни огласи за финансирање на научно-истражувачки проекти.

„Околу 340 милиони денари се ставени на располагање преку тие повици“, изјави премиерот.

Најмал буџет за наука во последните 10 години: Загриженост поради понижувачките средства за истражување и недостатокот на инвестиции во науката

 Повик до универзитетите да аплицираат за средства

Мицкоски ги повика универзитетските кадри активно да поднесат барања и апликации за поддршка на нивните научни проекти. Тој нагласи дека вкупниот фонд за наука се зголемил од околу 5,5 милиони евра во 2024, на речиси 680 милиони денари во 2025 година, што е значителен напредок споредено со претходните години.

Науката – двигател на државниот развој

„Како човек кој доаѓа од науката и од УКИМ, сметам дека ова зголемување не е доволно, но е чекор напред во споредба со минатото“, рече Мицкоски. Тој додаде дека научната дејност мора континуирано да се поддржува бидејќи таа претставува двигател на развојот на секоја држава.

Владата најавува дополнителна поддршка во иднина со цел да се создадат подобри услови за научен напредок и иновации.

Извор: Република