Министерството за внатрешни работи (МВР) соопштува дека предмет на дисциплинска постапка ќе биде вработениот А.С., поради неговите објави на социјалната мрежа Фејсбук. Овие објави се во врска со нападите на Хамас врз Израел. Известувањето за соодветните санкции за вработениот следува како резултат на овие објави.
Претходно, поранешниот технички министер за внатрешни работи и функционер на ВМРО-ДПМНЕ, Наќе Чулев, објави дека висок началник во Министерството за внатрешни работи јавно изразил поддршка на нападите на Хамас врз Израел.
„Станува збор за Аднан Синани, началник во Одделот обезбедување во Министерството за внатрешни работи и лице кое работи како лично обезбедување на Заменик министерот за внатрешни работи, Назим Буши. Работа која вклучува ВИП обезбедување, учество во домашни и странски делегации и присуство на меѓународни настани. Претходно, на социјалните мрежи тој имаше јавен пост во кој има недвосмислени елементи на говор на омраза што е кривично дело предвидено во Кривичниот закон“, напиша Наќе Чулев на Фејсбук.
Тој постави важно прашање дали безбедносните проверки за ова лице беа извршени со неопходната стручност и професионализам. Ова беше поставено в контекст на високиот безбедносен ризик што се поврзува со обезбедувањето на домашни и странски ВИП личности и делегации.
Од МВР велат дека нивниот став е јасен и прецизен. Силно ги осудуваат нападите на групата Хамас врз Израел и се солидаризираат со израелскиот народ.
„Ставот на МВР и Владата е јасен и прецизен. Силно ги осудуваме нападите на групата Хамас врз Израел и се солидаризираме со израелскиот народ. Апелираме за решенија преку дијалог. На светот му е потребен мир“, се додава во соопштението од МВР.