Според нивното барање парите се однесуваат за трошоците за електрична енергија, интернет и телефон. Хрватската Влада најави дека ова ќе биде регулирано со измени и дополнувања на Законот за работни односи, и ќе се однесува на сите што работат од дома.

Професорката по физичко воспитание, Јасмина Лизачиќ Мартиновиќ, за RTL Danas изјавила дека пет месеци користела исклучиво сопствена опрема – камери, микрофон и слушалки.

– Колкав е уделот во тој трошок? Јас не направив пресметка, но трошокот е реален и исклучиво на терет на наставникот, изјавила таа.

Жељко Стипиќ, претседател на синдикатот во Препород, изјавил дека сите трошоци, било да се за струја, греење, интернет, телефон, треба да бидат платени затоа што тоа е дополнителен трошок за работниците.

– Тоа е заштета на работодавачот. Таа сума нема да го спаси работникот, нема да ја уништи ниту државата, но тоа значи чиста сметка, долга љубов, рече Стипиќ.

Министерството во Хрватска соопшти дека овој проблем ќе се реши со измена на Законот за работни односи, а Божо Павичин, главен советник на министерот за образование, рече дека треба да има законска основа да стане законска за исплата на одредени износи.

– Штом се регулира, веднаш биде регулирано и на кој начин се достигнуваат трошоците и кои се конечните износи, рече тој.

Сепак, Младен Новосел, претседател на Сојузот на независни синдикати, рече дека во овој момент не е потребно да се чека промена на законот, туку дека оваа работа треба да се регулира исклучиво со колективни договори, регулативи за работни односи или договори за вработување.

Министерството соопшти дека новиот закон за работни односи треба да биде донесен за една година.