Секако дека има соодветни подготовки пред да заминат како совладување на јазикот на земјата во која одат и полагаат голем број тестови кои мора да ги поминат. Имаме доста квалитетен кадар но покрај миграција надвор имаме и миграција внатре односно кон приватниот сектор.
Одговорноста и поставеноста на македонскиот здравствен систем мора да има некаков тек, мора да има стратегија каде ќе се движиме, вели за Утрински брифинг, д-р Божидар Кочовски од Здружението на млади лекари.
Педијатрите се сведени на перцепција на општи лекари. Лекарската комора беше целосно инертна во сите овие процеси и не се вклучи активно во лоцирање на проблемите кои испливаа на површина со ковид пандемијата и во решавањето на истите, додава тој.
-Ковидот лоцираше и дека нема интеграција во здравствениот систем. Само интегриран пристап кон лекување на болните може да ни влее надеж согласно протоколите дека ќе создадеме систем како во останатите развиени земји. Имаме смртност лкоја што е огромна мора да размислиме каде грешиме но премногу сме суетни за да разговараме за тоа, вели за Утрински брифинг за слободен печат, д-р Божидар Кочовски.