ОЈО Кочани со нов предлог до Судот – три лица со можна замена на мерката
Обвинителството за Кочани денеска достави предлози до Основниот суд во градот за продолжување на мерките притвор и куќен притвор за сите осомничени во истрагата за трагичниот пожар во дискотеката „Пулс“.
Делумна промена на мерките – тројца осомничени со можност за куќен притвор
Според информациите од Основното јавно обвинителство (ОЈО), за тројца од осомничените се предлага замена на мерката – наместо притвор, да им се одреди куќен притвор. Станува збор за двајца вработени во Државниот пазарен инспекторат и еден припадник на обезбедувањето на дискотеката. Одлуката се базира на моменталната фаза на прибирање докази и исполнетоста на законските критериуми.
Во тек е истрага за трагедијата во Кочани
Истрагата се проширува – нови насоки и институции под лупа
Од ОЈО информираат дека истражните дејствија се во тек и продолжуваат во повеќе насоки. Се испитува потенцијална институционална одговорност, а јавноста ќе биде навремено известена откако ќе бидат донесени соодветни јавнообвинителски одлуки.
Трагедија со огромни последици – 61 загинат и близу 200 повредени
Пожарот што избувна во раните утрински часови на 16 март во дискотеката „Пулс“ во Кочани однесе 61 човечки живот и остави речиси 200 повредени. Истрагата се води за утврдување на сите поединечни и институционални пропусти што довеле до несреќата.
Извор: Миа