Најголемата јапонска авиокомпанија, „Ол нипон ервејс“ објави дека откажала 65 од своите домашни летови поради проблем со софтверот што влијае на илјадници авиони на „Ербас“ низ целиот свет.
Се очекува откажувањата на летови да влијаат на над 9 илјади патници што го користат аеродромот Ханеда во Токио, како и на други префектури. Втората голема јапонска авиокомпанија, „Јапан ерлајнс“ пак соопшти дека нејзината флота на авиони не е засегната од проблемите со софтверот.
„Ербас“ претходно соопшти дека открил оти интензивното сончево зрачење може да ги оштети податоците што се критични за функционирањето на контролите на летот.