По спроведената најбрза и најмасовна вакцинација од сите земји во светот, Израел живее нормален живот повеќе од еден месец. Плажите, кафулињата, рестораните, ноќните клубови стануваат пополни, маските веќе не се носат на отворено, а сè помалку во затворен простор, луѓето се собираат, се забавуваат, со еден збор, уживаат.

А сепак, тој нормален живот не се рефлектираше во бројките на новозаболени. Покрај тоа, по повеќе од една година, Израел го дочека првиот ден во кој немаше смртни случаи. Четвртокот беше првиот, а петокот вториот ден без починат од Ковид 19.

Бројот на новоинфицирани станува сè помал – оваа недела, според сајтот „Светломер“, тој се движел меѓу 130 и 170.

Патем, Израел досега има ревакцинирано 5,3 милиони од вкупно девет милиони граѓани, што е процент од скоро 60 проценти. Кога ќе додадете на тоа милион од оние кои ја поминаа короната, јасно е дека оваа земја достигна колективен имунитет.