Павловски: МВР и други државни институции го нарушуваат изборниот процес во Куманово

Во Куманово се забележани бројни нерегуларности во изборниот процес за локалните избори. На таа тема, кандидатот за советник од граѓанската иницијатива „За наше Куманово“ Николај Павловски, одржа прес-конференција на која информира за злоупотреба на Министерството за внатрешни работи и други државни институции на локално ниво спротивно на законот и овластувањата со нарушување на изборниот процес.

Во Куманово се забележани бројни нерегуларности во изборниот процес за локалните избори. На таа тема, кандидатот за советник од граѓанската иницијатива „За наше Куманово“ Николај Павловски, одржа прес-конференција на која информира за злоупотреба на Министерството за внатрешни работи и други државни институции на локално ниво спротивно на законот и овластувањата со нарушување на изборниот процес.

– Денеска во Куманово наместо да имаме свечен и достоинствен ден на гласање каде граѓаните по демократски пат ќе го остварат своето право да изберат Градоначалник и советници имаме целосна мобилизација на МВР и други државни институции на локално ниво кои спротивно на законот ги злоупотребуваат своите овластувања и го нарушуваат изборниот процес, рече Павловски.

Спротивно на законот, посочи тој, немаме присуство на униформирани полициски службеници на голем дел од избирачките места, а таму каде што ги има се наоѓаат внатре во објектите каде што се врши гласањето како што е случајот со избирачкото место 1086 и 1086/1 во населбата Иго Тричковиќ, што го сведочат револтирани гласачи кои пристапија во нашиот изборен штаб.

– Голем број на лица вработени во МВР (во шестата управа), меѓу кои и членови на личното обезбедување на Оливер Спасовски, како што дознаваме од гласачи кои гласале таму стојат пред гласачкото место 1059 и 1059/1 во населбата Ајдучка Чешма вршат насочување на гласачи и притисок врз нив, како и евиденција во списоци кои што тие ги поседуваат (претпоставуваме избирачки списоци) и тоа, како што не информираат тамошните гласачи, од страна на лицата вработени во МВР Мартин Стаменковски и Сашо Каранфиловски кои што континуирано се посетувани пред и околу гласачко место од лицето Бобан Спасовски (сопственик на фирмата ДЕЛУКС АВТО дистрибутер на возилата Фолксфаген и Шкода) и се координираат околу тековните активности, претпоставуваме поврзани со избирачкиот процес, појасни Павловски.