Лидерите на Русија, Кина и САД ја потврдија својата подготвеност за одржување трилатерален состанок на самитот на Азиско-пацифичката економска соработка (АПЕК) во кинескиот град Шенжен. Оваа информација ја соопшти помошникот на рускиот претседател Јуриј Ушаков.
Дипломатските тимови веќе ја завршиле прелиминарната работа за реализација на состанокот.
„Сите лидери ја потврдија својата подготвеност за таков состанок. Тој е разработен на експертско ниво и сè што останува е лидерите да бидат на исто место во исто време“, рече Ушаков.
Ушаков додаде дека овој настан би имал исклучително значење на меѓународната сцена, со оглед на тоа што за првпат лидерите на трите велесили би седнале на заедничка маса во ваков формат, иако нагласи дека не би го споредил потенцијалниот состанок со историската конференција на Јалта.