Арбен Таравари го прифаќа продолжувањето на преговорите

По неколкудневна неизвесност и шпекулации, Арбен Таравари учествуваше на состанокот со останатите лидери на ВЛЕН – Изет Меџити, Билал Касами, Зеќирија Ибраими – и се согласи на продолжување на преговорите. За разлика од претходните средби, Таравари овојпат лично присуствуваше, потврдувајќи дека не ги напушта партнерите од коалицијата.

Претходно, беа превривањата меѓу Таравари и Меџити.

Таравари остро реагира: Наместо покана, добив ултиматум од Вреди

Работни групи ќе ги подготват комбинациите за избори

Како резултат на постигнатиот договор за продолжување на разговорите, коалицијата преминува во втора фаза на преговори. Во наредните 2 до 3 дена, работните групи треба да ги изготват сите можни комбинации за заеднички настап на локалните избори, вклучувајќи кандидати за советници и градоначалници. Таравари изјави:

„Преговараме, се договараме и ќе излеземе во јавност и ќе ги кажеме сите ставови.“

Притисок врз Таравари: Јасен рок и услов за ДУИ

И покрај обидите за смирување на тензиите, Таравари доби ултиматум – во рок од една недела да се изјасни дека ги прекинува контактите со Али Ахмети и ДУИ. Овој услов беше поставен од страна на другите лидери на ВЛЕН, кои истакнаа дека:

„Сакаме Алијанса која ја нема ДУИ како опција.“

Какви понуди доби Арбен Таравари?

За да остане во коалицијата ВЛЕН, на Таравари му беше понудено:

  • 35% од кандидатите за градоначалници и советници,
  • Право да предложи кандидати во Гостивар, Струга, Врапчиште,
  • Да избере една општина од Липково, Арачиново или Студеничани,
  • Како и една од Брвеница или Чашка.

Останатите партнери – Демократското движење, Алтернатива и БЕСА – ќе предложат по тројца кандидати во добитни општини.

Контроверзии околу комуникацијата со Али Ахмети

Несогласувањата во ВЛЕН започнаа по информации за тајни разговори меѓу Таравари и Али Ахмети. Таравари призна дека имал 40-минутен разговор со лидерот на ДУИ, што предизвика сомнежи и незадоволство кај коалициските партнери. Исто така, тој во јавноста изјави дека 70% од Албанците се незадоволни од ВЛЕН, што дополнително ја усложни ситуацијата.

Меџити децидно негира соработка со ДУИ: Таравари е единствениот кој има дилеми

Заклучок: Наредната недела е клучна

ВЛЕН испрати јасна порака до Арбен Таравари – останувањето во коалицијата е можно само со јасна дистанца од ДУИ. Доколку не го испочитува рокот, коалицијата може да се соочи со нова криза, а Алијансата за Албанците со можно политичко изолирање. Останува да се види дали Таравари ќе остане верен на партнерите или ќе го избере патот на самостојност.