Исчезнати малолетнички. Министерството за внатрешни работи информира дека се преземаат мерки за пронаоѓање на две малолетнички кои во изминатото деноноќие се оддалечиле од своите домови.
Првиот случај бил пријавен во Полициското одделение Петровец, денеска во 01:22 часот, кога И.Г. (42) од село Кадино, Скопско, пријавил дека неговата 15-годишна ќерка Р.Г. се оддалечила од семејниот дом и не се вратила.
Пронајдено 14-годишното девојче од Петровец
Претходно, на 12 април во 15:20 часот, во СВР Струмица, М.В. (70) пријавил дека од домот се оддалечила неговата 10-годишна внука Ј.А.
Од МВР наведуваат дека се преземаат сите неопходни оперативни мерки за лоцирање и безбедно враќање на двете малолетнички. Засега не се соопштени дополнителни информации за околностите под кои девојчињата го напуштиле домот.
Полицијата апелира до граѓаните, доколку располагаат со информации кои можат да помогнат во потрагата, да се јават на бесплатниот број 192 или да се обратат во најблиската полициска станица.
Извор: Република