Претседателот на Република Српска, Милорад Додик, денеска се сретна со рускиот претседател Владимир Путин во Москва.
Ова беше нивната 26-та средба, како што информираше Додик на социјалната мрежа Х. Според изјавите од средбата, Путин изразил поддршка за Дејтонскиот мировен договор. Нагласил дека Русија ќе продолжи да се бори за прекин на работата на меѓународните институции, вклучувајќи го и, како што го нарекува, нелегитимниот висок претставник.
Управо сам имао састанaк с предсједником Руске Федерације Владимиром Путином, ово је наш 26. сусрет.
Путин познаје детаље, укупну ситуацију која се дешава код нас. Занима се за нешто што обичан човјек код нас тамо пита.Русија je веома важна земља за Републику Српску, у оквиру… pic.twitter.com/uLiZWOKqwJ
— Милорад Додик (@MiloradDodik) April 1, 2025
Додик изјави дека Путин е запознат со ситуацијата во Босна и Херцеговина. Се интересирал за детали околу работите што се случуваат во Република Српска. На средбата присуствувале и други високопрофилни личности. На средбата биле помошникот на рускиот претседател Јуриј Ушаков и министерот за наука и технолошки развој на Република Српска, Жељко Будимир.
Меѓународна потерница за Додик: Србија протестира против БиХ – Тој е наш граѓанин!
Средбата доаѓа во време кога Судот на БиХ распиша потерница за Додик и Ненад Стевандиќ, поради сомневање за напад на уставниот поредок на БиХ.
Русија, според изјавите на Додик, продолжува да игра клучна улога во безбедносната ситуација на Балканот. Таа ќе продолжи да се залага за стабилноста и суверенитетот на Република Српска.
Извор: Миа