Премиерот Христијан Мицкоски изјави дека помилувањата, дадени на 23 октомври, се дел од таен план на претходната влада со цел да предизвикаат превирања во јавноста. Според него, овој случај е поставен како „кукавичко јајце“ кое треба да имплодира во овој период. Тој нагласи дека помилувањата се намерно снесени за да создадат проблеми.
Мицкоски верува во правосудните органи
-
„Овој случај потекнува од минатото и е поставен како кукавичко јајце од претходната влада со цел да предизвика проблеми сега. Нема да навлегувам понатаму во коментари или да прејудицирам судски одлуки. Јас сум легалист и верувам во презумпција на невиност, но знам дека истото лице веќе има одреден 30-дневен притвор. Ги оставам правосудните органи да одлучат како ќе постапат во други случаи каде што има основано сомнение за сторен криминал“, изјави Мицкоски.
Тој истакна дека за лицето кое повторно беше приведено, треба да се остави на правосудните органи да си ја завршат работата. Дополнително, нагласи дека нема да коментира понатаму за да не прејудицира судски одлуки.
Помилувањето на член на наркокартелот „Барон“ предизвика скандал
Најголемо внимание во јавноста предизвика фактот дека меѓу помилуваните е член на наркокартелот „Барон“. Опозициската партија СДСМ реагираше дека помилувањето на такво лице е најшокантно од целата листа. Тие сметаат дека помилувањата се показател дека власта е фатена како помилува нарко-босови и не знае како да се извлече од огромниот скандал.
Реакција од Јавното обвинителство
Од Јавното обвинителство соопштија дека на 24 октомври, полицијата непосредно по излегувањето од КПУ „Идризово“ – Скопје, лишила од слобода лице кое, со Одлука на Претседателот на Република Северна Македонија, имало заменето извршување на затворската кана со условна осуда, бидејќи против истото лице е поведена истрага за ново кривично дело.
-
„Полициски службеници на 24 октомври непосредно по излегувањето од КПУ „Идризово“ – Скопје лишија од слобода лице на кое со Одлука на Претседателот извршувањето на изречената казна затвор му беше заменето со условна осуда, бидејќи за истото лице е поведена истрага за ново кривично дело“, соопштија од Јавното обвинителство.
-
Повторно зад решетки: Помилуваниот Акиф Равмановски уапсен поради сомнеж за обид за убиство во Чаир
Улогата на Комисијата за помилување
Одлуките за помилување на осуденици, Претседателот на државата ги носи по препорака на Комисијата за помилување, која е постојано работно тело во служба на Претседателот. Помилувањата се резултат на процес кој вклучува анализа и препорака од оваа комисија.
СДСМ ја критикува изјавата на Мицкоск за помилувањата
Од СДСМ реагираа дека изјавата на Мицкоски е комична и во стилот „јас не сум од тука“. Тие сметаат дека ова покажува дека власта е фатена како помилува нарко-босови и не знае како да се извлече од големиот скандал. Според нив, помилувањата се показател за несериозноста на актуелната влада.