Судот го ослобди екс-директорот на УБК Сашо Мијалков во предметот „Тортура“ во кој обвинителството тврдеше дека биле прекршени човековите права и слободи, било повредено достоинството на Љубе Бошкоски во случајот со апсењето за нелегално финансирање на политичката партија „Обединети за Македонија“.
Бошкоски во текот на 2011. година во повеќе наврати земал пари во готово од бизнисменот Емануел Малелис познат под прекарот Маноли.
За време на полициската акција во која беше уапсен, Бошкоски земал 100.000 евра од Маноли со ветување дека ќе делува во насока на промена на името ако добие пратеници во Собранието на Р.Македонија. За ова, беа објавени и снимки од ПИМ мерки во медиумите.
Ослободени се и останатите обвинети полицајци од единицата „АЛФА“ кои го лишија од слобода екс-министерот на МВР.