Во полициската станица во Гостивар вчера попладне бил пријавен случај на семејно насилство извршено врз малолетно лице. Случајот во надлежните органи го пријавила тетката на момчето.
Според официјалните информации добиени од полицијата, на 1 ноември 2026 година во 14:50 часот, 45-годишна жена од Гостивар пријавила дека претходната ноќ околу 23:30 часот, по претходна расправија, нејзиниот малолетен внук бил физички нападнат од страна на неговата мајка и неговата сестра. При нападот, сестрата употребила и тврд предмет за да му нанесе удари.
Полициските служби работат на расчистување и документирање на сите околности поврзани со семејниот инцидент.