Новинарот на ТВ24, Сеад Ризвановиќ, ја критикуваше стратегијата на опозицијата по формирањето на „Фронт за слобода“, оценувајќи дека потегот личи на концепт препишан од Србија и дека не одговара на реалните проблеми во Македонија.
„Не знам кој ја прави стратегијата на опозицијата, ама се редат утка до утка“, напиша Ризвановиќ на Фејсбук. Тој важи за новинар кој е критички настроен кон власта.
„Се формирал Фронт за слобода? Мислам, ок е да се употребуваат рандом кованици препишани од Србија, ама реално Македонија во моментов нема некој посебен проблем поврзан со генералните слободи, изборите или слободата на медиумите“, пишува Ризвановиќ.
Според него, има многу други проблеми што можеле да бидат главен мотив на таков политички фронт, но избраната формулација, како што вели, звучи неубедливо.
„Има тона други проблеми кои можеле да бидат лајтмотив на ‘фронтот’, ама ова навистина звучи како стратегија правена со ЧатЏПТ“, заклучува Ризвановиќ.