– СЗО верува дека несоодветната здравствена нега може да биде една од 10-те најголеми причини за смрт. Но, за тоа, потребен ни е информациски систем кој може да го открие тоа. Во просек, се проценува дека еден од 10 пациенти е засегнат неповолно од грижата во болница, истакна Вујновиќ.
Според неа, износот на социјалните трошоци во светот, поврзани со штетата предизвикана на пациентите, се движи од еден до два трилиони долари.
Таа нагласи дека може да се појават грешки при обезбедување не само на болничка, туку и на итна и амбулантска помош.
– Тоа се грешки во дијагнозата, грешки при препишување лекови. Четири од десет луѓе кои добиваат итна здравствена помош во светот страдаат од некои негативни ефекти поради несоодветна медицинска нега, додаде Вујновиќ.