Дваесет и деветгодишен мотоциклист од струшкото село Мислешево се здобил со тешки телесни повреди во сообраќајна несреќа на регионалниот пат Охрид–Свети Наум. Повредите му биле констатирани во Специјалната болница „Св. Еразмо“ во Охрид.
Несреќата била пријавена во СВР Охрид на 16 септември 2026 година во 11 часот. Според пријавата, се судриле патничко возило „мерцедес“ со скопски регистарски ознаки, управувано од Д.Ј. (87) од Скопје, и мотоцикл „БМВ“ со струшки регистарски ознаки, управуван од Х.П. (29) од Мислешево.
Увид на местото на несреќата извршила екипа од СВР Охрид.