„Очигледна и глупава лага“, порача Трамп до Хаменеи
Поранешниот американски претседател Доналд Трамп остро му одговори на иранскиот врховен лидер ајатолах Али Хаменеи, кој претходно ја прогласи „победата над Израел“ и го критикуваше Трамп во своето обраќање.
Во објава на неговата социјална мрежа Truth Social, Трамп го нарече Хамнеј „таканаречен врховен лидер“ и оцени дека изјавата за победа е „очигледна и глупава лага“.
„Како човек на голема вера, не треба да лаже. Неговата земја е десеткувана, три нуклеарни постројки се уништени, и јас точно знаев каде се криеше. Не му дозволив на Израел или на нашите вооружени сили – најмоќни во светот – да му го одземат животот. Го спасив од многу гадна и срамна смрт“, напиша Трамп.
Повлечени авиони, стопирани олеснувања
Тој откри дека во последната фаза од војната наложил на Израел да повлече „многу голема група авиони“ кои биле на пат кон Техеран, подготвени за масовен напад. Според него, тој напад би предизвикал огромни жртви и разурнувања.
ХАМЕНЕИ МОЛЧИ ПО ПРЕКИНОТ НА ОГНОТ: Иранската јавност чека став од врховниот лидер
Трамп додаде дека, иако работел на можно олеснување на санкциите кон Иран, по негативните изјави од Техеран, веднаш ги стопирал сите такви напори.
„Иран мора да се врати на патот на светскиот поредок, во спротивно ќе им биде само полошо. Секогаш се гневни, непријателски и несреќни – и погледнете каде ги доведе тоа: изгорена, разнесена земја, без иднина, десеткована војска, катастрофална економија и смрт околу нив“, порача Трамп.
На крајот, тој ја заврши пораката со повик за мир:
„Сакам иранското раководство да сфати – со мед често ќе добиеш повеќе отколку со оцет. Мир“.