Една од најголемите авиокомпании во светот, Туркиш Ерлајнс го стави Охрид на својата мапа. Од компанијата Охрид го опишаа како македонски бисер и град со голема историја.

Охрид, македонскиот бисер и светско наследство на УНЕСКО, е популарна туристичка дестинација низ целиот балкански регион, како и во Македонија. Познат по Охридското Езеро, Охрид поседува и историска текстура која го спојува неговото античко културно наследство со современи елементи, пишуваат од Туркиш Ерлајнс.

Авиогигантот Туркиш Ерлајнс четири пати неделно ќе лета на релација Охрид – Истанбул. Летовите ќе започнат на 27 март следната година и ќе сообраќаат четири пати неделно: понеделник, четврток, петок и недела. Со ова се исполнуваат најавите на министерот Александар Николоски за нови летови, а ова ќе донесе нови туристи за Охрид.

Како Туркиш Ерлајнс го опиша Охрид?

Сместен на брегот на Охридското Езеро во југозападна Македонија, Охрид е жив град кој нуди историја и природна убавина. Историскиот центар на Охрид, тесните улички и традиционалните куќи ги превезуваат посетителите во минатото, додека мирните прошетки покрај брегот на езерото ветуваат спокојство. Охрид, место за светско наследство на УНЕСКО, има историски цркви и антички урнатини како што се црквата Свети Јован Богослов (Црквата Свети Јован во Канео) и Самоиловата тврдина на врвот на ридот, од кои и двете гледаат кон Охридското Езеро. Други места за посета во Охрид се Античкиот театар, манастирот Свети Климент (Црквата на Свети Климент), Плаошник и црквата Света Софија, пишува авиогигантот на својата страница.

Детали за летот

Реномираниот медиум exyuaviation ги соопшти деталите за веста.

Туркиш Ерлајнс закажа и пушти во продажба летови меѓу Истанбул и Охрид за летната сезона 2025 година. Превозникот претходно аплицираше за државни субвенции за стартување на услугата. Летовите ќе започнат на 27 март и ќе сообраќаат четири пати неделно, во понеделник, четврток, петок и недела, со мешавина на авиони со тесно тело, вклучувајќи ги Ербас А321, Боинг 737-800 и Б737-900.

Дополнителни детали за летот може да се видат овде.

Заложби на министерот Александар Николоски

Откако Александар Николоски стапи на функцијата министер за транспорт и врски има големи промени во авиосообраќајот во нашата држава.

Се додаваат шест нови авиолинии меѓу кои Барселона и Лион, а се укинуваат три дестинации за летање од македонските аеродроми

Од скопскиот аеродром ќе се лета до Барселона, Дубаи, Лион и Штутгарт. Од охридскиот аеродром кон Истанбул и Милхаус. Во меѓувреме, се укинуваат летовите за Келн, Копенхаген и Стокхолм, но ќе се лета почесто до Дортмунд и тоа секој ден во неделата.