По судска наредба, 35-годишник е приведен и предаден на натамошно постапување
Полициски службеници од Единицата за интервентна полиција при СВР Скопје вчера попладне го лишиле од слобода 35-годишниот А.Џ. од Скопје, кој бил баран по судска наредба.
Од Министерството за внатрешни работи информираат дека приведувањето било извршено околу 15 часот, постапувајќи по телеграма од Основниот суд Скопје 1.
„Лицето се барало по телеграма од Основниот суд Скопје 1, за доиздржување казна затвор во траење од осум години и осум месеци, во врска со кривично дело „криумчарење на мигранти“ по член 418-б од Кривичниот законик“, соопшти МВР.
По приведувањето, А.Џ. бил предаден во Полициското одделение Шуто Оризари за понатамошно постапување.