Стоилковиќ објави видео од импровизирани легла
Министерот за односи меѓу заедниците, Иван Стоилковиќ, на социјалните мрежи објави видео од импровизирани легла од канцелариите во Министерството, во кои работеле седуммина службеници што неодамна биле отпуштени од работа.
Објава по обвинувањата за дискриминација
Видеото следува по реакциите и обвинувањата од ДУИ, кои тврдеа дека станува збор за дискриминација, наведувајќи дека од Министерството биле отпуштени „седуммина Албанци“.
Како биле оставени канцелариите
Стоилковиќ прикажа снимка од една од канцелариите во Министерство за односи меѓу заедниците, при што, според неговото тврдење, просторијата била оставена во состојба што не одговара на работна средина.
„Испратени да си спијат дома“
„Ова е канцеларијата во Министерството за односи меѓу заедниците, инаку претворена во ова што го гледате, во која ‘работеа’ вчера отпуштените службеници кои, по некоја случајност, се од ДУИ. По документирањето на состојбата истите се испратени да си спијат дома. Толку“, напиша Стоилковиќ во описот на видеото.