Жителите на јужниот дел од Филипините денеска беа во паника откако земјотрес со јачина од 7,6 степени го погоди регионот Давао Ориентал, предизвикувајќи итна евакуација и предупредување за можен бран цунами.

Според податоците на Филипинскиот институт за вулканологија и сеизмологија (Phivolcs), потресот бил забележан во 9:43 часот наутро по локално време, крај брегот на покраината Давао Ориентал, околу 1.000 километри јужно од Манила.

„Очекуваме штета и последователни потреси,“ изјави директорот на Phivolcs, Тересито Баколкол, предупредувајќи дека ситуацијата внимателно се следи.

🚨🇵🇭 ALERTE | SÉISME AUX PHILIPPINES.

Un séisme de magnitude 7,6 a frappé au large de Davao, aux Philippines, ce vendredi matin.
Suite à la panique et à de nombreux dégâts, les habitants ont dû fuir.#Philippinesearthquake #davaoearthquake#Davao #Philippines pic.twitter.com/hx6hPstqaA

— Le Fil Express (@LeFilExpress) October 10, 2025

Издадена наредба за итна евакуација

Во седум крајбрежни покраини властите издадоа строго предупредување за евакуација, повикувајќи ги граѓаните да се повлечат на повисоки терени или кон внатрешноста на островот.

„Жителите се советуваат да не се враќаат додека не биде официјално укинато предупредувањето,“ соопшти Phivolcs.

Засега нема информации за жртви или големи материјални штети, но локалните медиуми јавуваат дека многу граѓани и вработени од јавни институции во паника ги напуштиле зградите во моментот на потресот.

Различни податоци за јачината

Иако Phivolcs ја процени јачината на земјотресот на 7,6 степени, Американската геолошка служба (USGS) регистрираше јачина од 7,4 степени.

Сеизмолозите предупредуваат дека се можни серија последователни потреси во наредните часови, а властите апелираат за смиреност и почитување на безбедносните мерки.