Google Street View повторно се враќа во Македонија со обемно обновување на снимките низ целата земја, со што ќе бидат опфатени околу 13.000 километри патишта, улици и населени места. Новите панорамски погледи ќе бидат достапни преку Google Maps и ќе овозможат граѓаните, туристите и бизнисите полесно да се ориентираат, да планираат патувања и да откриваат нови локации. Со ова освежување ќе бидат опфатени Скопје, Охрид, Битола, Куманово, Прилеп, Тетово, Штип, Велес, Струга, Струмица и други градови низ земјата.
View this post on Instagram
Да не заборавиме од каде почнавме
Ова обновување е одлична можност преку слики да се направи споредба како изгледале улиците, населбите, плоштадите и булеварите пред години, а како изгледаат денес. Да не заборавиме од каде почнавме и каде сме денес. На старите снимки од Google Street View на многу места може да се забележат запуштени простори, неуредени јавни површини и делови од градот кои со години чекале промена.
View this post on Instagram
Скопје денес изгледа далеку посредено
Очигледно е дека денес Скопје на многу локации изгледа далеку посредено, поуредено и поурбано. Новите снимки ќе дадат свежа слика за тоа како се менувале главниот град и државата – од централните улици и плоштади, до населбите, патната инфраструктура и јавните простори. Street View ќе овозможи подобро да се види урбаната трансформација, но и контрастот меѓу старите и новите фотографии. Од Google посочуваат дека пред објавување на собраните снимки се користи технологија за автоматско замаглување на лица и регистарски таблички, а корисниците можат дополнително да побараат замаглување преку опцијата „Report a problem“.