Повторно гори езерска трска кај Струга. Како што пренесува локалниот портал VOX, и денеска беше опожарена трска во Охридско Езеро.
Пред еден месец во близина на селото Калишта беше опожарена трска со површина од околу 3.000 квадратни метри, а неколку недели претходно, пак, гореше истиот овој потег од Струга до селото.
Изминатите години неколкупати горела трска во Охридско Езеро, најчесто од подметнат пожар. Загрижени граѓани повторно коментираат дека некој сигурно си прави плажа.