Соединетите Американски Држави осма ноќ по ред извршија напади врз цели во Иран, по наредба на претседателот Доналд Трамп, соопшти Централната команда на САД (CENTCOM).

Според соопштението, нападите биле насочени кон силите на Иранската револуционерна гарда, за кои американските власти сметаат дека стојат зад нападот врз воена база во Јордан, извршен во петокот. Во нападот, според Пентагон, загинале најмалку двајца американски војници, објави CBS News.

Пентагон соопшти дека уште еден американски војник се води како исчезнат по иранскиот напад, додека неколкумина се повредени.

Од CENTCOM информираа дека цел на американските напади биле ирански воени објекти за крајбрежен надзор и воздушна одбрана, поморски капацитети, како и локации за складирање ракети и беспилотни летала.

Американската војска наведува дека операцијата имала за цел да ги ослабне воените капацитети на Иран, а нападите завршиле околу 23:30 часот по локално време.