Претседателот на САД, Доналд Трамп пристигна во главниот град на Кина, Пекинг. За утре наутро по локално време е предвидена средба со кинескиот претседател Си Џинпинг, на која ќе се разговара за трговијата, за билатералните односи и за безбедносните прашања.

Трамп на аеродромот беше пречекан со воени почести и воен оркестар и од кинеска делегација предводена од потпретседателот Хан Женг. На пистата беа и 300 млади Кинези облечени во сино-бели униформи и вееја кинески знамиња.

Американскиот претседател во Пекинг е придружуван од државниот секретар Марко Рубио, министерот за одбрана Пит Хегсет и трговскиот претставник Џејмисон Грир. Американскиот министер за финансии Скот Бенер во Пекинг ќе допатува од Сеул.

Во американската делегација се и десетина американски бизнисмени, меѓу кои и извршниот директот на „Епл“, Тим Кук, Илон Маск од „Тесла“, извршниот директор на „Боинг“, Кели Ортберг, како и претставници од „БлекРок“, „Голдман сакс“, „Виза“, „Мастеркард“ и други големи компании.