Снимка од рибарски брод ја прикажува силата на потресот
На социјалните мрежи се појави видео на кое се гледа како изгледал земјотресот што ја погоди Венецуела, снимен од морето од страна на локален рибар.
Снимката е направена од неговиот брод во државата Ла Гваира, крајбрежна област на северот од земјата.
Облаци прашина по уривање на згради
На видеото се забележува разбранувано море, додека на повеќе места на брегот се креваат облаци прашина, настанати по уривање на згради.
Додека ги снима драматичните сцени, вознемирениот рибар се слуша како повторува: „О, Боже“.
Ла Гваира е една од најзначајните крајбрежни области во Венецуела, каде што се наоѓа едно од најголемите пристаништа во земјата, како и меѓународниот аеродром „Симон Боливар“, клучен за воздушниот сообраќај кон Каракас.
Ла Гваира претрпела најголема штета
Претседателот на Националното собрание на Венецуела, Хорхе Родригез, изјави за Си-ен-ен дека токму Ла Гваира претрпела најголема штета по земјотресите.
Според објавените информации, Венецуела била погодена од два силни земјотреси со јачина од 7,2 и 7,5 степени според Рихтеровата скала.
Снимката дополнително ја прикажува драматичната состојба на теренот и последиците од силните потреси што ја погодија земјата.