Оттаму велат дека ова значи оти парите наместо во инвестиции, индустрија, реалниот сектор погоден од кризата, угостителите, занаетчиите, земјоделците и други засегнати групи и сектори ќе се потрошат краткорочно за ублажување на катастрофалниот пораз на Заев.
– Сето ова Заев не го прави со пари кои успеале да се акумулираат изминатите години, туку со нови и нови задолжувања. Така буџетскиот дефицит е планиран да достигне над 6% или приближно 210 милиони евра нов долг ќе им се стави на товар на граѓаните. Тоа е околу 500 евра нов долг за секое семејство, само заради краткорочниот популизам, неодговорност и поткупот на власта на Заев. Секое семејство само со овој ребаланс го задолжува за 500 евра, посочуваат од партијата.
Јавноста, велат, досега виде дека со Заев нема инвестиции, нема нови капитални објекти, нема развој, туку безобразно трошење и галопирачки долг кој веќе ќе наближува на 7,5 милијарди евра.
– Овој долг кој сега Заев го прави заради купување на денови социјален мир, скапо ги чини граѓаните. Затоа 4 години власт на Заев се 4 изгубени години за граѓаните и економијата. Доста е, велат од ВМРО-ДПМНЕ.