Косовски државјанин бил лишен од слобода откако на автопатот А1 управувал автомобил со брзина од 220 километри на час, на делница каде што максималната дозволена брзина изнесува 120 километри на час.
Возачот бил запрен кај Милетково
Случајот бил регистриран денеска, 3 август, во 8:41 часот, на паркингот Милетково на автопатот А1.
Полициски службеници од СВР Струмица – ОВР Гевгелија го лишиле од слобода 36-годишниот Ш.З., државјанин на Косово.
Управувал „мерцедес“ со косовски таблички
При сообраќајната контрола било утврдено дека возачот управувал патничко возило „мерцедес“ со косовски регистарски ознаки.
Измерената брзина била за 100 километри на час повисока од максимално дозволената брзина на тој дел од автопатот.
Од Министерството за внатрешни работи информираа дека против возачот ќе биде поднесена кривична пријава.
Тој се сомничи за кривичното дело „безобѕирно управување со моторно возило“, предвидено со член 297-а од Кривичниот законик.