Германскиот концерн Фолксваген објави повлекување на околу четири милиони возила од различни марки поради можни технички проблеми во системот за управување.
Повлекувањето обединува модели Tiguan, Touran, Golf Variant, Caddy и Golf, произведени од септември 2013 до јули 2024 година. Дополнително, околу 700.000 единици Audi Q3, произведени меѓу 2017 и 2024 година, се погодени од истиот проблем.
Од компанијата информираа дека е можно да бидат засегнати и модели на Seat – конкретно Ateca и Tarraco, произведени во периодот 2013–2024. За возилата на Шкода, исто така дел од Фолксваген групацијата, се уште не е утврдено дали постои истиот дефект.
Според весникот Ханделсблат, ова е најмасовна сервисна кампања за Фолксваген по скандалот „Дизелгејт“. Сопствениците ќе бидат контактирани преку овластените сервисни мрежи каде ќе се изврши ажурирање или замена на делови во системот за управување.