Министерот објави дека е регистрирано најниско ниво на криминалитет во последните 20 години
Министерот за внатрешни работи Панче Тошковски соопшти дека во земјава е регистрирано најниско ниво на криминалитет во последните 20 години.
Во објава на социјалните мрежи, Тошковски наведе дека во изминатите две години е намален вкупниот криминалитет, а истовремено е зголемена ефикасноста во откривањето на кривичните дела.
„За две години го намаливме вкупниот криминалитет за 30%, ја зголемивме ефикасноста во откривањето на кривичните дела и зададовме силен удар врз организираниот криминал, корупцијата и трговијата со дрога.“
Тој посочи дека зад постигнатите резултати стои работата на полициските службеници и заложбите за поголема безбедност.
„Зад овие резултати стои посветената работа на полициските службеници и одлучната борба за побезбедна Македонија.“
Тошковски најави дека активностите ќе продолжат и во наредниот период.
„Продолжуваме уште посилно, затоа што силна Македонија значи сигурни граѓани и силни институции.“