59-годишник обвинет за полов напад
Основното јавно обвинителство Скопје поднесе обвинителен акт против 59-годишен маж кој се товари за извршен полов напад врз малолетно лице, согласно член 186 став 7 во врска со ставовите 2 и 1 од Кривичниот законик.
Настанот се случил на 24 август 2024 година во парк во скопската населба Чаир. Тогаш обвинетиот извршил други полови дејствија врз дете кое во тој момент имало наполнети 15 години.
Според наводите од Обвинителството, обвинетиот започнал да го допира детето, по што малолетникот му ја фатил раката и се заканил дека ќе повика полиција. Осомничениот тогаш се обидел да избега и да се скрие во влез на зграда, но детето ја затворило вратата од влезот. Отпосле веднаш повикало полиција, по што тој бил приведен на лице место.
Мерки на претпазливост
Во текот на постапката, за обвинетиот се изречени мерки на претпазливост од страна на судијата на претходна постапка од Основниот кривичен суд Скопје. Тие вклучуваат:
Забрана за напуштање на живеалиште/престојувалиште
Обврска за редовно јавување кај надлежен државен орган
Одземање на пасош и други документи за преминување на државната граница
Забрана за воспоставување контакт со оштетеното лице
Обвинителството најави дека ќе продолжи со постапката во насока на целосно расчистување на случајот. Ќе има одговорност за стореното кривично дело.
Извор: Скопје1