Асмир Јахоски излегува од притвор со гаранција од над 986.000 евра
Апелациониот суд Скопје донесе одлука за укинување на мерката притвор за осомничениот Асмир Јахоски од Струга, откако ја уважи жалбата на неговата одбрана и ја прифати понудената гаранција во вкупна вредност од 986.540 евра, односно над 60 милиони денари.
Јахоски поднесе жалба: Апелација ќе одлучува дали ќе го пушти во куќен притвор
Судот ја прифати гаранцијата: пари и хипотека
Одлуката е донесена на нејавна седница одржана на 6 мај 2025 година, во предметот КСЖ-406/25, а притворот му е заменет со:
Хипотека на недвижен имот во корист на државата,
Готовински износ од 72.000.000 денари, што е еднаков на претпоставената штета во случајот.
Дополнително, Јахоски ќе биде предмет на мерки на претпазливост, кои вклучуваат:
Обврска за повремено јавување кај надлежно лице во Основниот кривичен суд Скопје,
Привремено одземање на патната исправа и забрана за издавање нова.
Куќен притвор за Јахоски: Судот ја образложи одлуката
Обвинителството не се спротивставило
Во процесот на одлучување, судот го земал предвид позитивното мислење на Основното јавно обвинителство за гонење на организиран криминал и корупција, како и мислењето на Вишото јавно обвинителство – Скопје, кои не се спротивставиле на прифаќањето на гаранцијата.
„Делот од гаранцијата во готовина е еднаков на штетата за која осомничениот се сомничи“, соопштува судот.
Целосната одлука со образложение ќе биде објавена на официјалната веб-страница на Апелациониот суд Скопје, согласно Законот за управување со движењето на предметите во судовите.