Булачани доби нов фудбалски терен – долгогодишното очекување стана реалност
Во дворот на ООУ „Наум Охридски“ во Булачани, вчера беше пуштен во употреба новоизградениот спортски терен за мал фудбал со вештачка трева. Булачани доби нов фудбалски терен, исполнувајќи долго очекуваното барање на жителите кои со децении посакуваа ваков простор за рекреација и спортски активности.
Паралелно со отворањето на теренот, беше започнат и традиционалниот турнир во мал фудбал посветен на Божидар Стојановски – Брич, со што се оддава почит на неговиот придонес за локалната заедница.
Градоначалникот на општина Гази Баба, Бобан Стефковски, истакна дека инвестициите во сите населени места се прават според реалните потреби на граѓаните:
„Во изминатите четири години, спортот конечно го доби заслуженото место во нашата општина, а реализираните проекти во оваа област најдобро сведочат за нашата посветеност. Продолжуваме заедно со својот народ“, додаде Стефковски.