Делови од Кисела Вода, Центар, Бутел, Сопиште и Зелениково утре без струја

Од 8:30 до 13:00 часот утре без електрична енергија ќе останат дел од корисниците од улицата „Киро Крстевски” во општина Кисела Вода.

Во периодот од 9:00 до 11:00 часот утре без струја ќе бидат дел од корисниците од улиците „Раде Јовчевски – Корчагин”, „Охридска”, „Преспанска”, „Петричка” и „Ѓуро Ѓоновиќ” во општина Центар. Во истот период без снабдување со струја ќе бидат и корисниците од стопанските и нестопанските објекти на дел од улицата „Новопроектирана” во Индустриска зона – Визбегово, општина Бутел.

Без струја утре од 9:00 до 15:00 часот ќе бидат корисниците од село Смесница, општина Зелениково, а од 13:00 до 15:00 часот дел од жителите на село Чифлик, општина Сопиште.

Како што соопшти РЦУК-Скопје, прекините се поради технички зафати во дистрибутивната електромрежа.