АД ЕСМ до 20 ноември го продолжи рокот за поднесување документација за снабдување со електрична енергија по повластени цена преку „ЕСМ продажба“ од 1 декември за дел од компаниите од прехранбената индустрија, водостопанските претпријатија и основните и средните училишта. Првично крајниот рок за поднесување на документацијата беше до утре.

– Рокот за снабдување од 01.12.2022 година, за промена на снабдувач со комплетните документи е продолжен и потребно е тие да се поднесат до 20.11.2022 година, информираат од АД ЕСМ.

Од компанијата нагласуваат дека АД ЕСМ ги подготви процедурите, договорите и придружните документите потребни за склучување договори за снабдување на дел од прехранбената индустрија, водостопанствата и јавните училишта.

-Тие се поставени на официјалната страна на АД ЕСМ на следниот линк: https://www.esm.com.mk/?p=14637 од каде засегнатите субјекти ќе можат да ги симнат, пополнат и потпишат и да ги испратат на соодветните мејл адреси кои се наведени во упатствата, како и до архивата на АД ЕСМ, велат од компанијата.