На терен се проверува напредокот на проектот, предвидени три железнички станици
Заменик претседателот на Владата и министер за транспорт Александар Николоски, заедно со директорот на МЖ Инфраструктура Синиша Ивановски, денеска извршија увид во градежните активности на втората фаза од железничката пруга кон Бугарија.
Станува збор за делницата Бељаковце–Крива Паланка, која е дел од поширокиот проект за железничко поврзување со соседна Бугарија и веќе подолг период е во фаза на интензивна изградба.
Три железнички станици на трасата
Според досегашните информации, на оваа делница се предвидени три железнички станици – кај Гиновци, Кратово и Ранковци, кои треба да ја подобрат поврзаноста на регионите долж трасата.
Проектот се реализира во фази, а увидите на терен се дел од редовното следење на динамиката на изградбата.
