Шефицата на обвинителството за организиран криминал Вилма Русковска, вчера објави дека некој кој е високо позициониран во безбедносните структури им дал дојава за акцијата во Грчец и главните босови побегнале.

Дека наркобосовите се веќе високо политички позиционирани, говори и тоа што тие стигнале и до највисоките државни функционери. Имено, претседателот на државата Стево Пендаровски е фотографиран со Орхан Бајрами од Дуќанџик, еден од избеганите нарко босови.

По Бајрами (кој се наоѓа лево на фотографијата со Пендаровски), се трага со меѓународна потерница. Инкау тој, заедно со Шеваљ Муареми освен за нарко мрежа се теретеа и за пукањето во Александар Палас од 2019.

Вчера на Твитер излегоа податоци за тоа како наводно и други лица дел од нарко бандата од Грчец, биле во друштво со министри и семејството на премиерот, а истото беше пренесено и од Лидер.