Глигоров е пријавуван за семејно насилство, тој е недостоен за втор човек во Градот Скопје, се вели во соопштението на ВМРО-ДПМНЕ.

-Шокирани сме што Данела Арсовска, пред се како жена, а потоа и како жена политичар уште не го разрешила Зоран Глигоров од позицијата генерален секретар на Градот Скопје. За Глигоров не само што постојат индиции дека се пресметувал со вработени во Градот и малтретирал поддредени, туку во минатото бил пријавуван и за семејно насилство. Глигоров во повеќе наврати бил причинител на семејно насилство, во 2007 и во 2017 година, и во двата случаи има нанесено телесни повреди на жртвата. Глигоров очигледно е рецидивист насилник. Не знаеме дали Глигоров има одредени психолошки проблеми со кои треба да се занимаваат други институции или се работи за нешто сосема друго, но Арсовска е таа која треба да побара вештачење на Глигоров од страна на стручни лица, и веднаш потоа да го разреши, истакнуваат од ВМРО-ДПМНЕ.

Ако не го разреши Арсовска, таа се става на страна на насилството, и само покажува дека таа се согласува со методите на Глигоров, додаваат од партијата.