Премиерот Христијан Мицкоски најави дека ГОБ „8-ми Септември“ ќе биде целосно реконструирана.  Инвестиција ќе изнесува 12 милиони евра од ТАВ проектот. Според него, болницата ќе биде опремена по највисоки европски стандарди, а ќе се модернизираат и хируршките сали, како и кровот на објектот.

Голема здравствена реформа: Болницата „8 Септември“ станува регионален центар со инвестиција од 30 милиони евра

Комплетна реконструкција со современа опрема

Мицкоски истакна дека инвестицијата ќе опфати реновирање на неколку хируршки сали, вкупно седум. Тие ќе бидат опремени со најсовремена медицинска апаратура. Покрај тоа, ќе се обнови и кровот на болницата, кој со години имал проблеми со протекување.

Административни процедури завршени

Проектот веќе е административно одобрен и поминат на Влада, а договорите се потпишани. Според Мицкоски, овој чекор е резултат на соработката помеѓу Министерството за здравство, Министерството за транспорт, компанијата ТАВ и раководството на болницата.

„Ќе имаме европски услови во таа здравствена установа. Оваа недела очекувам медиумите да дознаат повеќе детали“, изјави премиерот по посетата на Општина Гази Баба.

Реконструкцијата на ГОБ „8-ми Септември“ е дел од пошироките заложби за подобрување на здравствениот систем и модернизација на медицинските установи низ земјата.

Извор: Курир