Американскиот претседател Доналд Трамп денес призна дека лично побарал од претседателот на ФИФА, Џани Инфантино, повторно да ја разгледа одлуката за црвен картон и суспензија на напаѓачот на американската репрезентација, Фоларин Балогун, што предизвика лавина од негодување во фудбалскиот свет.
За потсетување, ФИФА во неделата објави дека Балогун ќе има право да игра на осминафиналниот натпревар против Белгија во понеделник навечер, и покрај фактот што речиси му го скрши глуждот на Тарик Мухаремовиќ со опасен старт на натпреварот против Босна и Херцеговина во осминафиналето на Светското првенство.
„Сè што направив беше да побарам преиспитување на одлуката. Не реков: „Мора да го направите ова“, рече Трамп од Овалната соба, додавајќи дека „не мисли дека е фаул“.
Тој го опиша инцидентот како ситуација во која „двајца момци кои трчаат со полна брзина случајно се судрија еден со друг“.
Трамп, исто така, го доведе во прашање интегритетот на судијата, велејќи дека е „малку сомничав“ и ги повика новинарите да го „проверат неговото минато“.
За потсетување, Соединетите Американски Држави ќе го играат осминафиналниот натпревар против Белгија во понеделник навечер.