Македонската јавност денеска беше погодена од веста за огромна семејна загуба, откако почина синот на Маријан Стојаноски. Пејачот ја сподели тажната вест со јавноста преку социјалните мрежи, изразувајќи длабока болка за прераната смрт на неговиот син Петар.
Петар е роден во декември 2021 година и беше најмладиот член во семејството на музичарот. Маријан и неговата сопруга Наташа претходно добија две ќерки, чувајќи го семејниот живот настрана од очите на медиумите.
Двојката стапи во брак во 2020 година по долгогодишна врска. Стојаноски долги години настапуваше на домашните музички фестивали, а својот професионален ангажман го остварува како член на хорот при Националната опера и балет.