Данската полиција денеска започна опсежна истрага откако маскирани лица упаднаа во продавница специјализирана за продажба на „Покемон“ карти и украле колекционерски примероци во вредност од над 130.000 евра.
Полициските службеници активно трагаат по петмина мажи за кои се верува дека, користејќи предмет што наликува на вистински пиштол, му се заканувале на вработениот во објектот лоциран во трговски центар во Лингби, северно од главниот град Копенхаген. Разбојниците потоа ги искршиле заштитните изложбени витрини и ги одзеле вредните картички.
Колекционерските „Покемон“ картички се засновани на глобално популарниот серијал видеоигри во кои играчите фаќаат и тренираат фантастични чудовишта. Овие колекционерски предмети веќе подолго време предизвикуваат огромен интерес кај јавноста, при што најпопуларните или екстремно ретките примероци редовно се продаваат и разменуваат за исклучително високи парични суми.