За време на политички собир во унгарскиот град Солнок се случил сериозен инцидент кога маж од толпата фрлил јајце кон истакнатиот опозициски лидер Петер Маѓар. Присутните припадници на полицијата во цивилна облека дејствувале молскавично и веднаш го неутрализирале сторителот. Опозиционерот веднаш ја смирил публиката со досетка, по што продолжил со своето обраќање.

По обидот за напад, Маѓар се пошегува дека храната станала прескапа за да се расфрла на ваков начин. Тој пред присутните нагласи дека ваквото однесување претставува израз на фрустрација кај граѓаните кои увиделе дека досегашните политички авторитети не се безгрешни.

Унгарскиот политичар додаде дека власта со години ширела страв дека без победа на партијата Фидес државата ќе пропадне, а младите генерации ќе мора да војуваат. Според него, разочарувањето од таквите манипулации сега создава гнев кај дел од поддржувачите.

Приведениот маж бил веднаш пренесен на сослушување во локалната полициска станица. Локалните медиуми информираат дека осомничениот целосно го признал делото, изјавувајќи пред истражителите дека единствено жали што не успеал да го погоди политичарот директно во главата.

Ова не е прв јавен напад врз Маѓар во изминатиот период. Неколку дена претходно, незадоволен поединец го полил со вино за време на традиционалната манифестација „Денови на бербата на грозјето“ во градот Сексард.