Шеесет и тригодишен овчар од гостиварското село Форино бил пронајден починат во атарот на село Врапчиште, откако претходно бил пријавен за исчезнат.
Исчезнувањето било пријавено во полиција
Според информациите од МВР, вчера во 21:35 часот во ОВР Гостивар, И.М. од Гостивар пријавил дека од домот се оддалечил неговиот чичко А.И. (63), кој работел како овчар на бачило во атарот на Врапчиште.
По пријавата, биле преземени мерки за пребарување на теренот.
Телото било пронајдено рано утринава
Во потрагата учествувале полициски службеници од ОВР Гостивар, пријавителот и екипа на Територијалната противпожарна единица Гостивар.
На 22 мај околу 06:00 часот, во близина на пат кој го граделе приватни фирми во атарот на село Врапчиште, А.И. бил пронајден починат.
Лекар констатирал смрт, а увид на местото извршиле јавен обвинител и увидна екипа на ОВР Гостивар.